Ekain Kulturala 2018 Ormaiztegin 

BERTAKO ARTISAU ETA EKINTZAILEEN III. AZOKA

EKAINAK 3, igandea, 12:00 - 14:30. Eliz atarian

Artisau eta ekintzaile parte-hartzaileak:

• Margolaria: Belen Iza

• Eskulangileak: Belen Iza, Gure Magra Perez, Kontxi Simon

• Jostuna: Elvira

• Egurra lantzen: Juan Zufiria

• Larrua lantzen: Maider (Encueros)

• Abanikoak: Karmele (Olelé)

• Xaboiak: Ana (Bioesencia)

• Goma-eva lantzen: Mari (Pitxikrotx)

Ekain Kulturala 2018 Ormaiztegin

ARKU TIRAKETA ERAKUSTALDIA
Igartza Arku tiraketa taldearen eskutik

EKAINAK 2, larunbata, 17:00, Urbeltz Pilotalekuan

EKAIN KULTURALA 2018 Ormaiztegin

Gaur emango diogu hasiera Ekain Kulturalari, “Gure Sor Lekuaren Bila” dokumentalaren proiekzioarekin, 22:00etan eliz atarian.

Hazparne, 1956. Ikusmira handiaren erdian, Euskal Herriari buruz euskaraz egindako dokumental bat estreinatzen da herriko zineman.

Hurrengo hilabeteetan Iparraldeko herrietan, Parisen, San Franciscon edota Dakarren proiektatu arren, haren arrastoa misteriotsuki desagertu eta denek ahaztu egingo dute laster.

Hirurogei urte beranduago, Josu Martinez zinemagilea haren bila hasiko da. 

Ekainaren 1ean, ostiralean, hasiko da aurtengo Ekain Kulturala Ormaiztegin. Hilabete batez, mota guztietako ekintza kulturalez osatutako egitaraua izango dugu, besteak beste, Kulturarteko Gastroazoka, "Gure Sor Lekuaren Bila" dokumentalaren proiekzioa, Musikale Jaialdia, Ardo dastaketa gidatua, eta Bertako ekintzaile eta artisauen Azoka. Informazio gehiagorako klikatu hemen.

Liburuaren Egunaren harira Ormaiztegin egin zen LETREN II. TRUKE LEHIAKETAn sarituak izan diren lanak aukeratu ditu epaimahaiak.  6-11 urte bitarteako kategorian, Yassmine Sbai Tarach izan da saritua, olerki bati esker; 12-17 urte bitarteko taldean, Nahia Rodriguez Amundarainen olerkiak lortu du garaipena; eta 30 urte baino gehiago dituztenen kategorian, Arantxa Amundarain Aranaren kontakizuna izan da garaile.  Saritu bakoitzak e-book bana jasoko du Letren Truke Lehiaketan aurkeztutako lanengatik.

Sari-banaketa maiatzaren 31ean ospatuko da, arratsaldeko 18:30ean, Ormaiztegiko Udaletxeko Areto Nagusian. Jon Enrique Galarza alkatea, eta Izaskun Unzurrunzaga Pildain kultura-zinegotzia arduratuko dira sariak banatzeaz.

Gainontzeko partehartzaileak eta herritarrak gonbidatu nahi ditugu ekitaldira. Bertan, sari- banaketa egiteaz gain, irabazleek aurkeztutako lanak irakurtzeko aukera egongo da.

Ekainaren 25etik uztailaren 13ra izango diren udako jardueretan begirale gisa lanean aritzeko deialdia zabaldu du Ormaiztegiko Udalak.

Hautaketa egiteko orduan baloratuko da:
- Begirale titulua izatea.
- Majisteritza edo antzerako ikasketak izatea.
- Umeekin lanean esperientzia izatea.

Interesa duenak, curriculuma utzi beharko du udaletxean (8:00-14:00), maiatzaren 31 baino lehen.

Zumalakarregi Museoak, maiatzak 18, 19 eta 20an ospatuko du Museoen Nazioarteko Eguna, aurtengo leloari jarraituz, “Museo hiperkonektatuta: ikuspuntu berriak. Ikuslego berriak”

“Tintarekin jolastuz”
Museoen Nazioarteko Eguna 2018
Maiatzak 19
Tailer didaktikoa
6-12 urte bitarteko haurrei zuzenduta

Artista Liburua zer den ezagutuko dugu, Tinta flotagarrien gardentasunarekin egingo dugu jolas paper gainean, baita beste material batzuekin ere. Gainera, koaderno bakarreko Artista Liburu bat egingo dugu.

Arteko Tailerraren eskutik: Eluska Kortajarena eta Juan Casinos

Doan

Aurrez izena emanda:  943 88 99 00 - mzumalakarregi@gipuzkoa.eus.

Kopuru mugatua

BIDE BERDETIK MAHAIRA
Ibilaldi gidatua + tailer gastronomikoa

Ibilbidea: Liernia - Barnaola - Troi Bidea - Mutiloa - Liernia

Clara Gutierrez, biologo eta etnobotanikan adituaren eskutik ibilaldi gidatua egingo dugu Bide Berdean zehar landareak bilduz, ondoren tailerrean sukaldatu eta dastatzeko.

Abiapuntua: Liernia

Ordua: 9:30
Distantzia: 5 km
Tailer gastronomikoa: Mutiloa elkartea
Itzulera: 15:30
Publiko orokorrari zuzenduta
Kopuru mugatua
DOAN

Izena emateko: 943 88 99 00 - mzumalakarregi@gipuzkoa.eus

Zubia dela-eta, Ormaiztegiko liburutegia itxita egongo da apirilaren 30ean eta maiatzaren 1ean.?