LIBURU TERTULIA ORMAIZTEGIN

APIRILAK 30, asteartea

18:30

Datorren apirilaren 30ean Zumalakarregi museoak abian jarri duen Migraciones proiektuko lehen Tertulia Literarioa izango degu, liburutegian.

Dagoeneko tertuliari buruzko informazioa eta irakurri beharreko liburua banatzen hasiak gera, interesa duzuenok pasa liburutegitik ohiko ordutegian. 

Animatu 🤓💡📓

MARTXOAK 6, asteazkena

18:00 Gizarte Etxea

ESTEREOTIPOAK HAUSTEN - Hitzaldia

Idoia Lekue Berdintasun Teknikariaren eskutik

Izen ematea (plaza mugatuak): 644 429 501 (whataspp) / kultura@ormaiztegi.eus

Animatu :)

ORMAIZTEGIK EMAKUMEAREN EGUNERAKIN BAT EGINGO DU DATORREN MARTXOAREN 6AN HASI ETA 15ERA BITARTEAN

· MARTXOAREN 6AN 18:00ETAN IDOIA LEKUE BERDINTASUN TEKNIKARIAREN ESKUTIK ‘ESTEREOTIPOAK HAUSTEN’ HITZALDIA, GIZARTE ETXEAN

· 7AN, 16:30ETAN KAFE TERTULIA INFORMALA, ZUMALAKARREGI MUSEOAN

· 8AN, 18:00ETAN TXOKOLATADA, JUBILATUEN EGOITZAN

· 9AN, 17:00ETAN GRAFITI MURALGINTZA TAILERRA, GAZTELEKUAN

· 15EAN, 17:00ETAN IPUIN HEZKIDETZAILEAK KONTAKETA, LIBURUTEGIAN

PARTE-HARTZAILEAK: OIN-HARRIAK JUBILATU ELKARTEA, IRIZAR ELK. KOOP. TXATXILIPURDI ELKARTEA, ZUMALAKARREGI MUSEOA eta ORMAIZTEGIKO UDALEKO GAZTERIA ETA KULTURA SAILA

MARTXOAK 1, OSTIRALA

Ormaiztegiko Guraso Elkarteak, jarraipena emango dio bihar San Andres Herri Eskolan ospatuko duten Mozorro festari, arratsaldeko 16:30etatik 19:30etara DJ IMANOLekin dantzatu eta abesteko aukera izango baitute haur eta gaztetxoek eskolako karramarro aretoan. 

Animatu eta ondo pasa!

OTSAILAK 24, IGANDEA 

XIII. SAHARA KROSS-A ORMAIZTEGIN 

IZEN-EMATEA IREKITA

Ekimenaren zergaitia

"Ormaiztegiko herrikideen eta Udalaren beraren ekimena modura, 2006. urtean hasi ginen Sahararen aldeko lasterketa herrikoi bat antolatzen.

Lasterketaren xedea zehazteko orduan aldarrikapena, kirola eta alde ekonomikoa bateratzea pentsatu zen. Ardatzak finkatu eta gero, lasterketaren planteamendua apala eta garbia da. Gure nahia, egun bakar bategatik bada ere, jendea saharar herriaz gogoratu araztea da. Herri honen egoera latza da, 30 urtetik gora darama bere lurraldetik kanpo, Tinduf-eko (Algeria) errefuxiatu kanpamenduetan bizitzen.

Kirol aldetik, lasterketa gogorra ez genuen jarri nahi, horretarako 10 km-ko zirkuitu bat prestatu dugu, dena den badu aldapatxo bat 3 aldiz pasa beharrekoa. Hala ere, gehiegi iruditzen zaienentzako eta jai giroaz goza ahal izateko lasterketa testimoniala ere izango da, ume eta helduentzat irekita eta bestearen ondoren ospatuko dena km 1-eko ibilbidean.

Azken ardatza alderdi ekonomikoa da, eta horretarako guztion laguntza behar dugu. Lasterketarekin biltzen dugun diru guztia saharar herriarentzat diru-laguntza bihurtuko da. Kanpamenduetan dituzten bizi-baldintzak guretzako jasan ezinak lirateke, eta guk bidali diezaiekegun laguntza ziur asko estimatuko dutela."

Gaurtik aurrera eta otsailaren 7a bitartean, Ormaiztegiko Gizarte Etxeko harreralekuan ikusgai duzue STOP ACCIDENTES elkarteko kideek istripuen zergaitien inguruan kontzientzia sortzeko asmoz prestatutako argazki erakusketa. 

"Stop Accidentes", trafiko istripu biktimen senideak osatzen duten talde bat da, eta beraien asmoa biktimei lagundu eta trafiko istripuen kontra lan egitea da. Horretarako, gaurtik aurrera Ormaiztegin  aurkeztuko den argazki erakusketa antolatu dute, baita ikastetxeetan zenbait ekintza, hizketaldiak epaitegian, formakuntza, etab.  

Erakusketa hau argazki lehiaketa batetik abiatuta sortu zuten, eta, dagoeneko, Goierriko nahiz Euskal Herriko mordoxka bat herritan egon da ikusgai. Lehiaketako 12 argazki honenekin eraikitako erakusketa ibiltaria da berau. 

Erakusketa ikusgai dago gizarte etxearen ordutegi berean. Erakusketa ikustera gonbidatzen zaituztegu.

ORDUTEGIA PDF